Дали сте знаеле дека ...
...Јабланичанката Елизабета Пејчиноска успешно ја гради својата актерска кариера во Холивуд. После завршувањето на Краус Конзерваториумот во Виена и многубројните улоги во Националниот Театар од Виена, Елизабета во 2007 го сними филмот Revanche кој што беше номиниран за Оскар во категоријата за филм од неанглиско говорно подрачје.
После тоа се преселува во Лос Анѓелес, Калифорнија каде што играше во филмот Jackrabitt во режија на Дајан Амбрусо. Освен што работи на неколку куси филмови се јавува и како автор и продуцент на еден краток филм Beverly Hills Rehab.
1 август 2012 год.
Традиционален Илинденски турнир - извлекување
По повод празникот Илинден посветен на пророкот Св. Илија, националниот празник на Македонија и празник на селото Јабланица, секоја година во месноста Ливаѓе се организира маалски турнир во мал фудбал.Во раните утрински часови прво се врши посета на манастирот Св. Илија, високо во планината, а потоа се продолжува со спортските активности.
Покрај традиционалниот спортски ривалитет помеѓу маалите во селото, турнирот претставува ретка можност каде што можат на исто место и во исто време да се сретнат повеќе генерации на Јабланичани.
Традиционално извлекувањето на двојките се врши на 1 август во некоја од "кооперациите" во центарот на селото.
На 01.08.2012 год., се изврши извлекување на двојките за Традиционалниот Илинденски турнир во мал фудбал.
| Распоред на натпреварите на традционалниот Илинденски турнир во мал фудбал Јабланица-Ливаѓе 2012 година | |||
| 1.Белковци | Победник од екипата 1 и 2 | Финалист 1 | Победник |
| 2.Гроф | |||
| 3.Ломница | Победник од екипата 3 и 4 | ||
| 4.Шајноа Маала | |||
| 5.Дејкоска Маала | Победник од екипите 5 и 6 | Финалист2 | |
| 6.Топлец | |||
| 7.Горна Маала | Слободна екипа | ||
Турнирот започнува во 8:30, Ве молиме за навремено и што е можно помасовно присуство !
Да ние среќен Илинден и за многу години да го славиме !