Дали сте знаеле дека ...
...Јабланичанката Елизабета Пејчиноска успешно ја гради својата актерска кариера во Холивуд. После завршувањето на Краус Конзерваториумот во Виена и многубројните улоги во Националниот Театар од Виена, Елизабета во 2007 го сними филмот Revanche кој што беше номиниран за Оскар во категоријата за филм од неанглиско говорно подрачје.
После тоа се преселува во Лос Анѓелес, Калифорнија каде што играше во филмот Jackrabitt во режија на Дајан Амбрусо. Освен што работи на неколку куси филмови се јавува и како автор и продуцент на еден краток филм Beverly Hills Rehab.
2 октомври 2012 год.
„Голема Недела“ - Св.Илија село Јабланица
Два дена изгледаат сосем доволно за средување на впечатоците.
Помина уште една прекрасна „Голема Недела“, повеќе од 3500 верници ја посетија манастирската црква Св. Илија, послужени беа повеќе од 2000 ручеци. Им благодариме на сите кои што физички и духовно беа присутни таму и помогнаа уште еднаш достоинствено да ја прославиме Храмовата слава на манастирската црква Св. Илија во Јабланица.
Ова е само мал дел од атмосферата, по социјалните мрежи веќе се шират безброј прекрасни фотографии од настанот.
Му благодариме на авторот на фотографиите Душко Лекоски.
Ден потоа
После напорната седмица, еден релаксиран ден, но време за одмор нема, се треба да се исчисти и врати во претходната состојба.
До следната средба го оставаме манастирот да ужива во спокојот што го опкружува, а воедно Ве повикуваме следната година во уште помасовен број да го посетиме нашето светилиште.
