Дали сте знаеле дека ...
...Јабланичанката Елизабета Пејчиноска успешно ја гради својата актерска кариера во Холивуд. После завршувањето на Краус Конзерваториумот во Виена и многубројните улоги во Националниот Театар од Виена, Елизабета во 2007 го сними филмот Revanche кој што беше номиниран за Оскар во категоријата за филм од неанглиско говорно подрачје.
После тоа се преселува во Лос Анѓелес, Калифорнија каде што играше во филмот Jackrabitt во режија на Дајан Амбрусо. Освен што работи на неколку куси филмови се јавува и како автор и продуцент на еден краток филм Beverly Hills Rehab.
30 октомври 2012 год.
Падна првиот снег на Јабланица
Планинските врвови Стрижак и Радуч утринава осамнаа со прекрасна снежна покривка, „правчарот“ како што во Јабланица се нарекува првиот снег само ги разбуди сеќавањата на минатата зима и хуманитарната катастрофа со која се соочија жителите на селото Јабланица.
Според метеоролозите не очекува долга и студена зима, но прогнозите за времето ги оставаме на некој кој е „понадлежен“ за тоа.
Ние апелираме до сите надлежни институции и служби како што се ЕВН, Македонски Телеком, Македонија Пат и Општина Струга, навремено да си ги извршат преземените обврски околу непреченото снабдување на селото со електрична енергија и тлефонски и интернет сигнал и расчистување на патот до Струга и локалните гранки низ селото.
